БТ паказала, дзе побач з Курапатамі плануюць пабудаваць выставачны цэнтр

БТ паказала, дзе побач з Курапатамі плануюць пабудаваць выставачны цэнтр

У праграме “Галоўны эфір” на тэлеканале “Беларусь 1” паказалі, дзе беларускія ўлады плануюць пабудаваць новы выставачны цэнтр. Пляцоўка для яго была абраная ля паўночнай мяжы Мінска, на ўсход ад урочышча Курапаты – месца сталінскіх расстрэлаў у 1930-я.

У сюжэце пра новую будоўлю камера здымае поле ў раёне Курапатаў з двух ракурсаў. Першы – наўпрост ад ахоўнай зоны, урочышча знаходзіцца за спінай аператара дзяржаўнага тэлебачання:

БТ паказала, дзе побач з Курапатамі плануюць пабудаваць выставачны цэнтр
Кадр з эфіра "Беларусь 1"

Наступныя кадры зробленыя з вуліцы Мірашнічэнкі. На дальнім плане бачнае ўрочышча Курапаты:

БТ паказала, дзе побач з Курапатамі плануюць пабудаваць выставачны цэнтр

Мяркуючы па гэтых здымках, для выставачнага цэнтра абранае поле, дзе ў пачатку 2000-х збіраліся будаваць жылы квартал “Сонечны”. Аднак пасля масавых пратэстаў улады ад гэтай ідэі адмовіліся. Пасёлак такі пабудавалі, але крыху далей ад горада, за трасай H-9031 “Калодзішчы – Заслаўе”:

БТ паказала, дзе побач з Курапатамі плануюць пабудаваць выставачны цэнтр
Скрыншот: "Яндэкс.Карты"

Пра тое, што ў Мінску патрэбны новы сучасны выставачны цэнтр, на мінулым тыдні заявіў Аляксандр Лукашэнка. Вядома, што кіраўніку Беларусі прапаноўвалі розныя пляцоўкі для будаўніцтва. Напрыклад, у вёсцы Малінаўка на скрыжаванні МКАД і Брэсцкай шашы. Але выбралі іншае месца – поле ля Курапатаў, якое па дзяржаўныя журналісты называюць “пляцоўкай каля гандлёвага цэнтра "Экспабел"”.

Апошнія навіны

Галоўнае

Выбар рэдакцыі