Брытанскі палітык публічна выбачаўся перад сям’ёй за тое, што “згарэў на працы”
Мясцовы палітык ва ўсходняй Англіі прынёс публічныя прабачэнні сваёй сям’і за сваю доўгую адсутнасць, падчас якой яго палічылі зніклым. Дэніс Кроўфард засядае адразу ў трох мясцовых саветах. Ён знаходзіўся на шостай нарадзе за два дні, калі прыехала паліцыя і паведаміла, што дачка заявіла пра яго знікненне.
На час працоўных сустрэч Кроўфард заўсёды выключае свой тэлефон і таму родныя не маглі з ім звязацца.
Палітык заявіў, што цяпер будзе болей паведамляць сваёй сям’і, чым ён займаецца, перадае ВВС.
