Біяэнергетык, які працуе з Герасіменяй: Я не шаман, працую “па-светламу”
![Біяэнергетык, які працуе з Герасіменяй: Я не шаман, працую “па-светламу”](/sites/default/files/styles/gallery_main/public/2023-08/gerasimenja.jpg.webp?itok=z18BRy39)
Біяэнергетык Сяргей Касьяненка, з якім супрацоўнічае вядомая плыўчыха Аляксандра Герасіменя, выкладае сваё бачанне сітуацыі ў інтэрв’ю “Прессболу”. Раней былы трэнер зборнай Беларусі па плаванні Дзмітрый Манцэвіч назваў гэтага чалавека “шаманам” і сказаў, што Герасіменю трэба ратаваць. Сама спартсменка сцвярджала, што парады Касьяненкі дапамагаюць ёй не толькі ў спорце, але і ў звычайным жыцці.
Касьяненка называе сваю дзейнасць “біяэнергетычнай псіхалагічнай працай” і сцвярджае, што яго методыкі не маюць ніякага дачынення да шаманства, у якім праца ідзе “не па-светламу”. Спецыяліст кажа, што распрацоўвае праграмы, якія дазваляюць падтрымліваць тонкія целы чалавека ў балансе, а гэта дапамагае ў падрыхтоўцы спартсмена. Паводле біяэнергетыка, яго метады — гэта альтэрнатыва фармакалогіі.
Сваіх кліентаў Касьяненка выдаваць не хоча па этычных меркаваннях і кажа, што публікацыі на гэтую тэму выстаўляюць Аляксандра Герасіменю ў нявыгадным святле.