Білі Корган шукае сваю старую гітару
Білі Корган са Smashing Pumpkins паабяцаў 20 тысяч долараў і адсутнасць складаных пытанняў да чалавека, які верне яму яго старую гітару.
Гітара, якая насіла мянушку “Gish”, была набытая Корганам у 1989-1990
гадах у якасці дублёра да яго асноўнага інструмента. Білі часта аддаваў
перавагу менавіта ёй для сольных партый, паколькі ў гэтым інструменце
была больш рэзкая атака.
Гітару выкралі ў 1992 годзе ў Дэтройце. Цяпер Корган, настальгуючы па
старых часах, прапанаваў круглую суму за вяртанне любімага інструмента.
Хочацца верыць, што хто-небудзь ды зробіць яму такі падарунак на Новы
Год.
Фота: www.aceshowbiz.com