Беларускія клубы не дапусцяць да ўдзелу ў хакейнай Лізе чэмпіёнаў
Сёлета беларускія клубы не прымуць удзел у хакейнай Лізе чэмпіёнаў, паведамляецца на афіцыйным сайце спаборніцтваў.
Савет Лігі патлумачыў такое рашэнне: "У сувязі з непрадказальнай сітуацыяй у краіне ўдзел каманды з Беларусі ў Лізе чэмпіёнаў на гэты момант будзе занадта рызыкоўным для ўсіх зацікаўленых бакоў".
Гэтае рашэнне датычыць як нацыянальнага чэмпіёна, так і магчымага пераможцы Кантынентальнага Кубка з Беларусі. У фінал Кантынентальнага Кубка выйшаў клуб "Гомель".
