Беларускіх алімпійцаў з Сочы даставяць не прэзідэнцкім "Боінгам"
Іх прывязуць урадавым Ту-154, якому 19 гадоў.
19 лютага Аляксандр Лукашэнка распарадзіўся арганізаваць ўрачыстую сустрэчу спартсменаў і выслаць за імі ў Сочы прэзідэнцкі самалёт.
Аднак, як паведамляе сайт Naviny.by, у Сочы замест борта № 1 — самалёта Boeing-767-300ER (бартавы нумар EW-001PВ) вылецеў ўрадавы Ту-154М (бартавы нумар EW-85815). Як паведамляе сайт russianplanes.net, гэтаму самалёту ўжо 19 гадоў.
Паводле апошніх звестак, час прылёту перанесены з 15-й гадзіны на 17.30.
Пасля ўрачыстай сустрэчы ў аэрапорце спартсмены адправяцца на плошчу Перамогі для ўскладання кветак.
Фота — russianplanes.net
