"Беларускі партызан" атрымаў прэмію Free Media Awards 2018
!["Беларускі партызан" атрымаў прэмію Free Media Awards 2018](/sites/default/files/styles/gallery_main/public/2023-08/partyzan-0310.jpg.webp?itok=p0RIWzlL)
Увечары 2 кастрычніка ў Ерэване адбылося ўзнагароджанне лаўрэатаў прэміі Free Media Awards у галіне свабоды слова, піша kavkaz-uzel.eu.
Гэтую прэмію за дасягненні ў галіне незалежнай журналістыкі заснавалі два фонды, якія падтрымліваюць свабоду слова і прэсы — нарвежскі Fritt Ord і нямецкі Die Zeit-Stiftung Ebelin und Gerd Bucerius.
Сёлета лаўрэатамі прэміі сталі сайт "Беларускі партызан", пецярбургская інтэрнэт-газета "Фонтанка", медыя-платформа з Тбілісі "Чайхана".
Намінаваныя на прэмію сёлета былі 33 СМІ з краін Паўднёвага Каўказа, Беларусі ды Расіі.
Паведамляецца, што "Беларускі партызан" быў намінаваны Беларускай асацыяцыяй журналістаў. Прэмію яму ўручылі за прафесійную, працяглую журналістыку з рэгіянальным фокусам.
Еўрарадыё віншуе калег з узнагародай!