Беларускаму Хельсінкскаму камітэту вярнулі памяшканне
Беларускаму Хельсінкскаму камітэту вярнулі памяшканне. Арганізацыі падоўжылі арэнду на адзін год у тым самым офісе і на тых самых умовах. Пра гэта Еўрапейскаму радыё паведаміла старшыня БХК Таццяна Процька.
Нагадаем, раней галоўнае
гаспадарчае ўпраўленне кіраўніцтва спраў прэзідэнта адмовіла камітэту ў
далейшай арэндзе. У мінулы панядзелак арганізацыі давялося пакінуць памяшканне.
Таццяна Процька: “Я была ў
кіраўніка гаспадарчага ўпраўлення Міхаіла Бяляева, які падпісаў адпаведную
дамову. Я мяркую, што гэта звязана першым чынам з той рэакцыяй міжнароднай
супольнасці, якая мела месца ў апошнія дні.
І Еўрасаюз, і Злучаныя Штаты сказалі, што Беларускі Хельсінкскі камітэт, як арганізацыя, якая падтрымлівае сучасную ідэю правоў чалавека, прынятую ў свеце, павінна быць у Беларусі, калі наша краіна дэкларуе прыхільнасць да еўрапейскага шляху развіцця”.