Беларусам дазволілі прымаць бясплатна больш дарагія падарункі, чым раней
![У Беларусі паднялі суму для "беспадаткавых" падарункаў, ілюстрацыйнае фота](/sites/default/files/styles/gallery_main/public/2024-01/prezent-0801.jpg.webp?itok=77dggW1e)
У Беларусі паднялі суму для "беспадаткавых" падарункаў, ілюстрацыйнае фота / pixabay.com
У Беларусі з Новага года павысілі суму для падарункаў, з якіх не трэба плаціць падатак. Цяпер без усялякіх абавязальніцтваў перад дзяржавай можна атрымліваць падарункі ў межах 10 431 рубля (прыкладна 3260 долараў). Летась не трэба было даваць справаздачу, калі кош падарунка ўпісваўся ў суму 9338 рублёў.
Калі грамадзянін атрымае падарунак, які перакрочыць максімальную суму, ён павінен па выніках года заплаціць 13% падаходнага падатку. Выключэнне — падарункі ад сваякоў.
Павышэнне сумы тлумачыцца зменамі ў Падатковы кодэкс, якія набылі моц з 1 студзеня 2024 года.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.