Беларус сцвярджае, што яго спрабавалі завербаваць у маскоўскім рэстаране
![Невядомыя мужчыны назваліся "разведчыкамі СБУ" / Ілюстрацыйнае фота pixabay.com](/sites/default/files/styles/gallery_main/public/2023-08/3_22.jpg.webp?itok=cLyEAed3)
Невядомыя мужчыны назваліся "разведчыкамі СБУ" / Ілюстрацыйнае фота pixabay.com
Беларус сцвярджае, што яго спрабавалі завербаваць у маскоўскім рэстаране "Вкусно и точка". Як піша @bazabazon, здарылася гэта 8 красавіка. 46-гадовы электрамантажнік Віктар кажа, што да яго падселі супрацоўнікі... СБУ. Спачатку за стол сеў адзін невядомы мужчына. Ён назваў імя і прозвішча беларуса, расказаў, чым ён займаецца. Таксама паведаміў, што працуе ў СБУ і прапанаваў супрацоўніцтва. Электрамантажнік адмовіўся. Тут за стол падселі яшчэ некалькі мужчын.
Віктар сказаў, што ідзе ў прыбіральню, а сам выбег з рэстарана і звярнуўся з заявай пра спробу "вярбоўкі" ў паліцыю. На жаль, што было далей, выданне не паведамляе.
![Беларус сцвярджае, што яго спрабавалі завербаваць у маскоўскім рэстаране](/sites/default/files/styles/default_image_paragraph/public/paragraphs/image/77_24.jpg.webp?itok=cxZwdjzb)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.