Беларусь аднавіла пастаўкі электраэнергіі ва Украіну
Беларусь з 6 лістапада аднавіла пастаўкі электраэнергіі ва Украіну. У адпаведнасці з падпісаным кантрактам, пастаўкі будуць ажыццяўляцца на працягу лістапада, піша прэс-служба Міністэрства энергетыкі.
Да 31 кастрычніка ва Украіне дзейнічала забарона на імпарт электраэнергіі з Беларусі. Нацыянальная камісія Украіны паведамляла, што не будзе падаўжаць забарону і пачне закупкі электраэнергіі з Беларусі з 1 лістапада.
