БАТЭ сёння правядзе першы матч 2-га раўнда кваліфікацыі Лігі чэмпіёнаў

БАТЭ правядзе сёння першы матч 2-га раўнда кваліфікацыі футбольнай Лігі чэмпіёнаў. На "Барысаў-Арэне" каманда Аляксандра Ермаковіча прыме фінскую каманду СІК. Пачатак у 21.00, жывая трансляцыя запланаваная на тэлеканале "Беларусь 5".

Адзначым, што цэлая група гульцоў асноўнага складу БАТЭ траўмаваная. Выбыў на некалькі месяцаў Неманья Мілунавіч, праблемы са здароўем у Мікалая Сігневіча і Каспара Дубры. Не выключана, што браму будзе абараняць вопытны Сяргей Верамко, які нядаўна вярнуўся ў каманду. Павінен згуляць і паўабаронца Мірка Іваніч, які прапусціў дзве апошнія гульні.