Вы тут

БАТЭ падбіраецца да "Дынама-Брэст", інтрыга ў чэмпіянаце захоўваецца

На матчы "Дынама-Брэст" — "Іслач" / dynamo-brest.by

Інтрыга ў чэмпіянаце Беларусі па футболе захоўваецца. Ужо сёння "Дынама-Брэст" магло аформіць чэмпіёнства, калі б выйграла на выездзе ў "Іслачы". Але "ваўкі" з Мінскага раёна апынуліся цвёрдым арэшкам: гульня, на якую берасцейцы ехалі за перамогай і залатымі медалямі чэмпіянату, скончылася з лікам 1:1.

А вось найбліжэйшыя пераследвальнікі брэсцкіх дынамаўцаў — БАТЭ — не спатыкнуліся і, хоць і не без праблем, але выйгралі ў сярэднячка турнірнай табліцы — футбольнага клуба "Віцебск". Да перапынку на табло гарэлі нулі, пасля забілі барысаўчане, але "Віцебск" змог адыграцца ўсяго праз пяць хвілін. Кропку ў матчы на ​​79-й хвіліне паставіў Станіслаў Драгун — 2:1 на карысць Барысава.

За два туры да канца першынства "Дынама-Брэст" апярэджвае БАТЭ на пяць ачкоў. На трэцім месцы "Шахцёр" (Салігорск), на два ачкі адстае ад БАТЭ. "Гарнякі" у гэтым туры ўпэўнена разабраліся са "Славіяй" — 5:1. Берасцейцам для перамогі ў чэмпіянаце дастаткова выйграць любой з астатніх двух матчаў — ці каб БАТЭ згуляў унічыю любую з дзвюх сваіх гульняў.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.