Банер "Няпрошаны госць горш за татарына" замянілі на "Пусцілі казла ў агарод" (фота)
Газета "Вечорка", якая выдаецца ў расійскім горадзе Чыта, пасля скандалу стала мяняць надпісы на сваіх рэкламных банерах.
На мінулым тыдні ў горадзе з'явіліся 60 банераў з надпісам "Няпрошаны госць горш за татарына". Многія звязалі акцыю са зменай губернатара ў рэгіёне і запланаванымі новымі выбарамі. Але прадстаўнікі выдання гэта адмаўляюць, кажуць, што змяшчаюць проста прымаўкі і прыказкі, якія выбіраюць лёсаваннем.
РІА "Новости" нагадвае, што сёлета сышоў у адстаўку Равіль Геніатулін, які быў губернатарам 17 гадоў.
З пратэстам выступіў Татарскі грамадскі цэнтр, а праваахоўнікі праверылі банеры на экстрэмізм і нічога супрацьзаконнага не знайшлі. Тым часам на банерах з'явіўся новы надпіс — "Пусцілі казла ў агарод".
Фота — Вечорка
