Балельшчыкі "Зеніта" хочуць правесці ў Мінску вулічнае шэсце

Вулічнае шэсце хочуць правесці сёння ў Мінску балельшчыкі піцерскага "Зеніта". Пра гэта паведамляе сайт гэтага футбольнага клуба, які ўдакладняе, што магчымасць правядзення акцыі "будзе дадаткова абмяркоўвацца".
Нагадаем, на сённяшні матч Лігі чэмпіёнаў БАТЭ - "Зеніт" чакаецца прыезд 4 тысяч балельшчыкаў з Расіі. Для забеспячэння парадку ў сталіцы будзе прыцягнуты ўвесь асабісты склад мінскай міліцыі.