“ARTPOP” Лэдзі Гагі можна будзе набыць праз мабільныя дадаткі
Таксама пласцінка будзе дасяжная ў традыцыйным фармаце.
Лэдзі Гага паведаміла фэнам, што яе доўгачаканы альбом “ARTPOP” будзе прадавацца праз iOS- і Android-дадаткі. І, натуральна, выйдзе ў звычайным фармаце.
Набыць новую пласцінку Гагі можна будзе, спампаваўшы адмысловую праграму. Ці наадварот: “ARTPOP” набываецца асобна, а потым бясплатна пампуецца дадатак праз iTunes ці Google Play.
Зрабіць перадзамову на дадатак, які Лэдзі Гага называе “сапраўдным інтэрактыўным куфрам са скарбамі”, можна будзе з 19 жніўня. Тады ж выйдзе і новы сінгл спявачкі — “Applause”. Сама пласцінка з’явіцца 11 лістапада.
Паводле zvuki.ru
Фота: ryanseacrest.com
