Вы тут

Амбасадар ЗША: рэжым Беларусі гатовы выкарыстоўваць крайнія метады для пагрозы

Джулі Фішэр / golosameriki.com

Амбасадарка ЗША Джулі Фішэр пракаментавала сітуацыю вакол страляніны на Якубоўскага.

Фішэр асудзіла гвалт і выказала спачуванні. Яна таксама адзначыла, што публікацыі ў інтэрнэце не даюць поўную карціну таго, што адбылося.

"Гэты інцыдэнт, відаць, з'яўляецца дадатковым доказам пастаяннай гатоўнасці рэжыму выкарыстоўваць крайнія метады для пагрозы меркаваным палітычным апанентам — на жаль, сталая заканамернасць у Беларусі", — заявіла прадстаўніца ЗША.

Фішэр звярнула ўвагу на тое, што відэа страляніны паставілі на рэкламу.

Як заявіла амбасадарка, на дадзены момант амерыканскі бок не можа пацвердзіць тое, што Андрэй Зэльцэр быў грамадзянінам ЗША.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.