Аляксандра Сасновіч на турніры ў Японіі абыграла 35-ю ракетку свету

Беларуская тэнісістка Аляксандра Сасновіч (110-е месца ў рэйтынгу) на турніры серыі WTA International у Токіё абыграла 35-ю ракетку свету. З Місакі Доі яна "разабралася" ў двух сэтах — 7:5. 6:3. У другім раўндзе Сасновіч сустрэнецца з Элісан Рыске з ЗША, 61-й ракеткай свету.

Прызавы фонд турніра ў Японіі складае больш за 226 тысяч долараў.