Аляксандр Лукашэнка правядзе нараду па COVID-19 у аўторак
Нарада ў Палацы Незалежнасці пройдзе ў тым ліку па відэасувязі / planetabelarus.by
Нарада па сітуацыі з COVID-19 у Беларусі пройдзе ў Палацы Незалежнасці ў аўторак, паведамляе прэс-служба Аляксандра Лукашэнкі.
На нарадзе будуць прысутнічаць кіраўнікі Міністэрства аховы здароўя, упаўнаважаныя па рэгіёнах, спецыялісты і эксперты-медыкі.
Удзельнікі нарады плануюць дэтальна разгледзець становішча ў кожнай вобласці краіны. Губернатары зробяць даклады ў рэжыме відэасувязі.
Як паведамляла Еўрарадыё, у панядзелак Міністэрства аховы здароўя Беларусі паведаміла пра спыненне аказання планавай меддапамогі ў "амбулаторна-паліклінічных арганізацыях аховы здароўя". Адпаведны загад падпісаны для таго, каб удасканаліць аказанне меддапамогі пацыентам з каранавірусам.
