6 красавіка ў Беларусі абяцаюць да 23 градусаў цяпла
6 красавіка ў Беларусі чакаецца воблачнае з праясненнямі надвор'е. Пра гэта інфармуе БЕЛТА са спасылкай на Рэспубліканскі цэнтр па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Уначы будзе пераважна без ападкаў. Удзень, пераважна па заходняй палове, пройдуць кароткачасовыя дажджы, месцамі магчымыя навальніцы. Вецер прагназуецца паўднёва-ўсходні 4-9 метраў за секунду, пры навальніцах — парывы да 14 метраў у секунду.
Тэмпература паветра ўначы складзе +2...+7 градусаў. Удзень чакаецца 15-20 градусаў цяпла. Па паўднёвым захадзе уначы сіноптыкі абяцаюць 8-10 градусаў вышэй за нуль, удзень будзе +21...+23.
