19 чэрвеня ў Беларусі пройдзе ЦТ па біялогіі
19 чэрвеня ў Беларусі пройдзе ЦТ па біялогіі. На яго сёлета запісалася каля 25 тысяч чалавек, адзначае "СБ. Беларусь сегодня". Летась гэты іспыт здавалі больш 22,6 тысячы чалавек.
Усе іспыты цэнтралізаванага тэставання пачынаюцца ў 11:00.
Паводле правілаў, абітурыент мае права зарэгістравацца на ЦТ не больш як па чатырох вучэбных прадметах.
Найбольшая колькасць абітурыентаў сёлета здавала рускую мову — 63 тысячы чалавек, на ЦТ па беларускай мове прыйшлі больш за 22 тысяч абітурыентаў. Здаваць матэматыку было 42 тысячы ахвочых, а грамадазнаўства — 15 тысяч.
