Зводка МНС: па стане на 31 сакавіка ў Беларусі 215 выпадкаў каранавіруса
Дакумент з'явіўся ў Telegram-канале
Па стане на 31 сакавіка ў Беларусі было зарэгістравана 215 выпадкаў каранавіруса. Гэта вынікае са зводкі Міністэрства па надзвычайных сітуацыях.
Дакумент датуецца раніцай 2 красавіка. Аднак у ім паведамляецца пра смерць аднаго пацыента з каранавірусам. Гэтыя звесткі былі вядомыя ўвечары 31 сакавіка, на наступны дзень Мінздароўя прызнала другую смерць пацыента з каранвірусам.
Паводле даных дакумента, у Мінску зарэгістравана 102 выпадкі каранавіруса, у Віцебскай вобласці — 66, Гомельскай — 9, Гродзенскай — 4, Мінскай — 33, Магілёўскай — 1. Вылечыліся 53 чалавекі.
У прэс-службе МНС каментаваць праўдзівасць гэтага дакумента журналістам не сталі.
Прэс-служба Міністэрства аховы здароўя некалькі дзён як перастала даваць статыстыку па колькасці заражаных каранавірусам.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.