Журналістку Ірыну Слаўнікаву будуць судзіць у Гомельскім абласным судзе
![Журналістку Ірыну Слаўнікаву будуць судзіць у Гомельскім абласным судзе](/sites/default/files/styles/gallery_main/public/2023-08/slaunikava-1205.jpg.webp?itok=RWxDamtM)
Журналістку тэлеканала, прызнанага ў Беларусі экстрэмісцкім, Ірыну Слаўнікаву будуць судзіць у Гомельскім абласным судзе.
Не выключана, што справа будзе разглядацца ў закрытым рэжыме. Дата суда яшчэ не прызначаная.
Незразумела, на якой падставе справу будуць разглядаць у Гомелі. Слаўнікава пражывала ў Мінску, затрымалі яе ў мінскім аэрапорце і падчас следства яна знаходзілася ў мінскім СІЗА №1.
Журналістку затрымалі 30 кстрычніка 2021 года, калі яна з мужам вярнулася з адпачынку з Егіпта. Спярша яе падазравалі паводле артыкула "арганізацыя і падрыхтоўка дзеянняў, якія груба парушаюць грамадскі парадак". Пазней выставілі абвінавачанне ў стварэнні "экстрэмісцкага фармавання". Ёй пагражае да сямі гадоў зняволення.
Праваабаронцы прызналі Слаўнікаву палітзняволенай.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.