Жорсткае затрыманне паплечніка Статкевіча: зацягнулі ў машыну ў майтках
25 чэрвеня ў Мінску адбылося жорсткае затрыманне Сяргея Спарыша, паплечніка апазіцыйнага палітыка Мікалая Статкевіча (ён знаходзіцца за кратамі). Яго выцягнулі з кватэры сілавікі ў цывільным. Спарыша цягнулі па прыступках пад'езда. Калі яго спрабавалі закінуць на задняе сядзенне аўтамабіля, ён ужо быў у адных майтках. Сведкі кажуць, што апазіцыянера збілі.
Фота з тэлеграм-каналаў @narodnaya_hramada і "Мая краіна Беларусь".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
