Жанчына з сякерай напала на Свята-Духаў сабор у цэнтры Мінска
30 кастрычніка каля 17:00 да Свята-Духава кафедральнага сабора ў цэнтры Мінска падышла 50-гадовая жанчына. Яна дастала сякеру і некалькі разоў стукнула па фасадзе будынка. Пра гэта на нумар 102 паведамілі відавочцы, перадае прэс-служба МУС.
Мужчына, які знаходзіўся паблізу, здолеў перахапіць сякеру і стрымліваў жанчыну, пакуль не прыбыла міліцыя.
Паведамляецца, што цяпер жанчыну даставілі ў медустанову для абследавання. Яна распавяла, што нідзе не працуе, раней да крымінальнай адказнасці не прыцягвалася.
Матывы ўчынку высвятляюцца.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
