Затрымалі работнікаў СТА, дзе ў 2020-м пацярпелым прапаноўвалі бясплатны рамонт
Дырэктар СТА "Саня поможет"
Сілавікі затрымалі чатырох супрацоўнікаў СТА "Саня поможет". Відэа з дырэктарам станцыі тэхабслугоўвання з'явілася ў адным з іх тэлеграм-каналаў.
Затрыманы мужчына кажа, што ў 2020-м удзельнічаў у мітынгу, быў падпісаны на "дэструктыўныя каналы". Таксама ён гаворыць, як у сваім Instagram-акаўнце прапаноўваў дапамогу ў рамонце аўтамабіля "пацярпелым ад супрацоўнікаў міліцыі".
Такія ж відэа запісаныя з яшчэ трыма супрацоўнікамі СТА.
Сілавікі паведамляюць, што на ўладальніка і двух супрацоўнікаў пачалі крымінальныя справы за "экстрэмізм", а яшчэ аднаго вінавацяць у педафіліі.
