За выхад у фінал Уімблдона Сабаленка згуляе з Джабір
Арына Сабаленка / https://twitter.com/WTA
За выхад у фінал Уімблдона Арына Сабаленка (2-я ў сусветным рэйтынгу) згуляе з Унс Джабір (6) з Туніса. Іх паядынак пройдзе ў чацвер, пачнецца каля 17-й гадзіны паводле беларускага часу. У выпадку поспеху беларуская тэнісістка ўпершыню стане першай ракеткай свету.
Напярэдадні ў чвэрцьфінале Сабаленка перамагла амерыканку Мэдысан Кіз (18) — 6:2, 6:4, а Джабір — Алену Рыбакіну (3) з Казахстана — 6:7(5:7), 6:4, 6:1.
Унс Джабір / https://twitter.com/WTA
