За выхад з незалежнага прафсаюза даюць мільён рублёў
Такую прапанову робяць работнікам Бабруйскага завода трактарных дэталяў і агрэгатаў, якія далучыліся да Свабоднага прафсаюзу беларускага.
Паводле словаў старшыні першаснай ячэйкі СПБ на заводзе Міхаіла Кавалькова, раней “стаўкі былі ніжэйшыя”: за пераход з незалежнага прафсаюза ў афіцыйны абяцалі дадаць да заробку 200-300 тысяч рублёў.
Дзеяч дадаў, што напрыканцы лютага чальцы незалежнага прафсаюзу “падаражэлі”, бо адзін з кіраўнікоў 2-га механазборачнага цэху Анатоль Бокій прапанаваў сваім працаўнікам ажно мільён рублёў прэміі з гэтак званага “фонду кіраўніка”, паведамляе Белсат.