За тыдзень даведацца пра канцэрт Paprika Korps

Гэта ўжо нейкая традыцыя, неспадзявана даведвацца пра канцэрты польскага рок-рэгі-гурта Paprika Korps у Мінску. Любяць музыкі і іх прамоўтары рабіць канцэрты, да якіх не трэба маральна рыхтавацца паўгода.

 

Гэтым разам мінскія арганізатары нават знайшлі новую пляцоўку — ірландскі паб “Clever”. 

 

“Хочацца, каб, калі дарослыя і сур’ёзныя людзі прыйдуць на канцэрт, то не было б сорамна за клуб, — кажа арганізатарка Тоня з Mamont Promo. — Бо ад “Анталіі” (клуба, дзе праходзіў мінулы канцэрт “Папрыкі” ў Мінску — Еўрарадыё) непрыемны асадак застаўся”.

 

Не ведаем, чаму арганізатары зачапіліся за “сур’езнасць і дарослаць”, нам падаецца, што рэгі ўсё ж пераважна для маладых і бяспечных. Але не важна. Важна тое, што канцэрт будзе, і вас там чакаюць. Квіткі будуць каштаваць нятанна — 180 тысяч рублёў. Але калі хочаце ірландскага піва і сонечнага рэгі з прысмакам року — раскашэльвайцеся, рабяткі.

 

2 лютага

19:00

Ірландскі паб “Clever” (Мінск, вул. Гікала, 5, метро Якуба Коласа)

Квіткі 180 тысяч рублёў. Продаж толькі на ўваходзе ў паб.

Інфармацыя: Фэйсбук, УКантакце.