За месяц галалёдныя траўмы ў Мінску атрымалі 388 чалавек
![За месяц галалёдныя траўмы ў Мінску атрымалі 388 чалавек](/sites/default/files/styles/gallery_main/public/2023-08/000022_32869_big.jpg.webp?itok=j98OIXTO)
За месяц галалёдныя траўмы ў Мінску атрымалі 388 чалавек, сярод іх — 35 дзяцей. Як паведаміў БЕЛТА урач-метадыст Мінскага гарадскога цэнтра экстраннай меддапамогі Мікалай Тукала, найчасцей дыягнаставаліся ўдары і расцяжэнні, шпіталізацыя спатрэбілася 52 пацярпелым. Паводле слоў Тукалы, рост колькасці галалёдных траўмаў адзначаецца ў перыяд адлігі з паніжэннем тэмпературы ў начны час, а таксама пасля снегападу.
У сталіцы было зарэгістравана 16 выпадкаў пераахалоджвання, 9 чалавек было шпіталізавана (5 з іх яшчэ знаходзяцца на стацыянарным лячэнні ў бальніцы хуткай медыцынскай дапамогі).
Рэкамендацыі лекараў наконт таго, як пазбегнуць галалёдных траўмаў, гл. тут.
![За месяц галалёдныя траўмы ў Мінску атрымалі 388 чалавек](/sites/default/files/paragraphs/image/000023253620big.jpg)
Фота: БЕЛТА