З-за кратаў выйшаў уладальнік бара, дзе спявалі ўкраінскія песні
![Андрэй і Марыя Жукі / instagram.com/mary_moveablefeast](/sites/default/files/styles/gallery_main/public/2023-08/bar-2002.jpg.webp?itok=WG7r4U_H)
Андрэй і Марыя Жукі / instagram.com/mary_moveablefeast
Пасля суда на волю выйшлі ўладальніка мінскага бара "Банкі-бутэлькі" Андрэй Жук і яго жонка Марыя. Пасля шасці месяцаў за кратамі іх асудзілі за ўдзел у вулічных маршах, пішуць праваабаронцы "Вясны".
Справу Андрэя і Марыі Жукоў 31 студзеня разглядаў суд Маскоўскага раёна Мінска. Іх абвінавацілі паводле ч. 1 арт. 342 КК (актыўны ўдзел у дзеяннях, якія груба парушаюць грамадскі парадак). Вядома, што суддзя Сяргей Кацэр прызначыў Андрэю 2,5 года "хіміі".
У бары, які належаў Жуку, 3 жніўня адбыўся канцэрт спявачкі Мэрыем Герасіменка. Яна спявала песню гурта "Океан Эльзи" "Обійми" ў падтрымку Украіны. Спявачку затрымалі, двойчы прысудзілі па 15 сутак. Потым на яе пачалі крымінальную справу паводле ч. 1 арт. 342 КК і асудзілі на тры гады "хатняй хіміі".
У бар на наступны дзень пасля канцэрту прыйшлі праверкі з санстанцыі і МНС. Уладальніка затрымалі, а потым і яго жонку.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.