З Шэнгенам – у Шэнген!

Цяпер у Шэнгенскай прасторы пражывае больш за 400 мільёнаў чалавек, і ўключае яна амаль 30 краін. А першапачаткова пагадненне падпісалі толькі пяць з дзесяці краін Еўрапейскай супольнасці.

Адбылося гэта ў 1985 годзе ў малым люксембургскім населеным пункце Шэнген, які знаходзіцца на сутыку Люксембурга, Францыі і Нямеччыны.



Герб Шэнгена. Яго заснавалі 15 гадоў пазней за Полацак. Сёння мае ўсяго паўтары тысячы жыхароў

Дакладней, падпісанне адбылося ля Шэнгена, на рачным чаўне пад назвай "Прынцэса Мары-Астрыд", на сярэдзіне ракі Мозэль, дзе сустракаюцца тры краіны.



На Мэры-Астрыд можна пракаціцца і сёння



Помнік Шэнгенскаму пагадненню

Да гэтага моманту жыхары гарадка былі вымушаныя ці не кожны дзень цягаць з сабой пашпарты, каб па справе выправіцца ў суседні нямецкі альбо французскі гарадок, ці проста наведаць свайго сябра.




У Шэнгенскай рыма-каталіцкай царкве



За знакам пачынаецца Нямеччына



Ад Шэнгенскага маста праз раку Мозэль – два кіламетры да Францыі, адзін - да Нямеччыны



Абазначэнне: Дарога Робэра Шумана. Бацька Еўропы (1886 - 1963)

Раней камуна (нешта кшталту нашага раёна), у якой знаходзіцца Шэнген, называлася Рэмэршэн. Каб выкарыстаць раскручанае імя мясцовыя ўлады ў 2006 годзе пераназвалі свой раён Шэнгенскім.

Заўвага Еўрарадыё: цяпер у Шэнгенскую прастору ўваходзяць усе краіны Еўрасаюза, апрача Вялікабрытаніі, Ірландыі, Балгарыіі, Румыніі Кіпра, а таксама Ісландыя, Нарвегія і Швайцыя, якія ў ЕС не ўваходзяць. Апрача таго, мікра-краіны – Манака, Сан-Марына і Ватыкан – фактычна ўваходзяць у Шэнген. Ліхтэнштэйн – не, але адмовіўся ад пашпартнага кантролю на мяжы з Швейцарыяй.