З праграмы "Ракаўскага фэсту" знялі дзіцячы танцавальны калектыў з Маладзечна
![З праграмы "Ракаўскага фэсту" знялі дзіцячы танцавальны калектыў з Маладзечна](/sites/default/files/styles/gallery_main/public/2023-08/biale_skrzydla-0709.jpg.webp?itok=QVrSEgtl)
З праграмы "Ракаўскага фэсту", які адбудзецца 10 верасня, знялі дзіцячы харэаграфічны калектыў "Białe Skrzydła" ("Белыя крылы"). Пра гэта маладзечанскі калектыў, унесены ў афішу, даведаўся за некалькі дзён да імпрэзы, піша сайт znadniemna.pl.
Суарганізатарка фэсту з боку польскай амбасады ў Мінску Марына Таварніцкая патлумачыла, што ўлады Валожына (у чыім раёне пройдзе фэст) маюць канфлікт з кіраўніком маладзечанскага калектыву Віктарам Барановічам.
У каментары журналістам Барановіч патлумачыў: "Я не ведаю нікога не толькі сярод уладаў Валожына... Не магу прыгадаць, каб падтрымліваў кантакты нават з жыхарамі таго мястэчка. Калі і меў з кімсьці канфліктную сітуацыю, дык з дырэктаркай Дома культуры ў Маладзечне".
Кіраўнік танцавальнага калектыву найбольш шкадуе, што яго выхаванцы не змогуць выступіць на адной сцэне з рок-спеваком Лявонам Вольскім — яны гэтага вельмі хацелі.
![З праграмы "Ракаўскага фэсту" знялі дзіцячы танцавальны калектыў з Маладзечна](/sites/default/files/paragraphs/image/afiszbialeskrzydlastr.jpg)