З палітвязня, пераведзенага з "хіміі" ў турму, спаганяюць грошы за "камуналку"
![Аляксандр Плескацэвіч / spring96.org](/sites/default/files/styles/gallery_main/public/2023-08/plieskacevicz-1011.jpg.webp?itok=aTJZ2fZR)
Аляксандр Плескацэвіч / spring96.org
Запазычанасць за камунальную плату спрабуюць спагнаць з палітвязня Аляксандра Плескацэвіча, паведамляюць праваабаронцы "Вясны".
16 чэрвеня пасля 20 сутак у СІЗА яго перавялі з "хіміі" ў магілёўскую турму. Паведамлялася, што ва ўстанову яго прывезлі са шматлікімі слядамі збіцця.
А 15 лістапада ў судзе Ляхавіцкага раёна пройдзе суд па спагнанні запазычанасці за яго за жыллёва-камунальныя паслугі ў ПУАТ №43 (папраўчая ўстанова адкрытага тыпу, "хімія").
Справу будзе разглядаць суддзя Наталля Буднік, якая прызначыла Плескацэвічу два гады "хіміі".
Мужычну асудзілі паводле ч. 1 і ч. 2 арт. 339 КК ("Хуліганства") за тое, што рабіў надпісы і расфарбоўваў белай і чырвонай фарбамі хаты, слупы і будынкі ў сваёй вёсцы. Адзін з надпісаў быў такі: "Света, я вас кахаю".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.