З мінскай паліклінікі эвакуявалі людзей (відэа)
![З мінскай паліклінікі эвакуявалі людзей (відэа)](/sites/default/files/styles/gallery_main/public/2023-08/paliklinika-1204.jpg.webp?itok=47pfqKgg)
12 красавіка ў 9:12 у мінскую міліцыю звярнуліся супрацоўнікі паліклінікі №36 (вул. Бачылы, 9), паведамляе прэс-служба ГУУС Мінгарвыканкама.
Яны паведамілі, што невядомы мужчына пакінуў скрутак каля рэгістратуры і пайшоў.
Міліцыя эвакуявала людзей з паліклінікі, была ўзмоцненая ахова будынка і прылеглай тэрыторыі. На месцы працуюць следча-аператыўная і сапёрна-піратэхнічныя групы.
Цяпер міліцыянты высвятляюць асобу мужчыны, які пакінуў скрутак.