З інтэрнэт-кнігарняў прыбіраюць мемуары галоўнага дыверсанта Трэцяга рэйху
!["экстрэмісцкія" мемуары Ота Скарцэні](/sites/default/files/styles/gallery_main/public/2023-08/skarceni-2401.jpg.webp?itok=D_Q87Myv)
"экстрэмісцкія" мемуары Ота Скарцэні
З беларускіх буйных інтэрнэт-кнігарняў прыбіраюць кнігу Ота Скарцэні "Невядомая вайна". Гэта запатрабавала пракуратура Савецкага раёна Мінска.
Кніга Скарцэні ўключаная ў рэспубліканскі спіс экстрэмісцкіх матэрыялаў. Адпаведнае рашэнне прыняў 18 снежня 2022 года суд Цэнтральнага раёна сталіцы.
"Аднак гандлёвыя аб'екты не прынялі мер да своечасовага выдалення прапаноў аб набыцці дадзенага кніжнага выдання", — кажуць у пракуратуры.
Кіраўнікам трох інтэрнэт-кнігарняў вынеслі прадпісанні, каб кнігу неадкладна знялі з продажу. Усе крамы выканалі патрабаванні пракуратуры .
Ота Скарцэні — галоўны дыверсант Трэцяга рэйху. У сваіх мемуарах ён распавядае пра службу ў часцях асаблівага прызначэння.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.