З Беларусі для расіян пад Курск адправяць памперсы
![Гуманітарная дапамога з Мінскай вобласці](/sites/default/files/styles/gallery_main/public/2024-08/panp.jpg.webp?itok=_ckhU50i)
Гуманітарная дапамога з Мінскай вобласці / pristalica.by
З Беларусі для расіян пад Курск адправяць памперсы. Гэта дапамога ад Беларускага саюза жанчын. Як піша pristalica.by, гуманітарную дапамогу збіралі яго першасныя арганізацыі.
Старшыня камітэта па працы, занятасці і сацыяльнай абароне Мінскага аблвыканкама Тамара Красоўская ўдакладняе, што дапамогу (прадуктовыя, гігіенічныя наборы, памперсы і пасцельную бялізну) збіралі ва ўсіх раёнах. А яшчэ пераводзілі грошы на рахунак.
Калону грузавікоў з Мінска ў Курскую вобласць РФ адправяць 29 жніўня. Гуманітарная дапамога прызначана для расіян, эвакуяваных з памежных раёнаў, якія занятыя ўкраінскімі войскамі.
![З Беларусі для расіян пад Курск адправяць памперсы](/sites/default/files/styles/default_image_paragraph/public/paragraphs/image/33_55.jpg.webp?itok=ViMubGJV)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.