Як выглядаюць паркоўкі ля міністэрстваў у звычайны дзень і ў Дзень без аўто
![Як выглядаюць паркоўкі ля міністэрстваў у звычайны дзень і ў Дзень без аўто](/sites/default/files/styles/gallery_main/public/2023-08/minpryrody_sennja.jpg.webp?itok=ph9u0xba)
22 верасня ў свеце традыцыйна праходзіць Сусветны дзень без аўтамабіля. У гэты дзень кіроўцам традыцыйна прапануюць адмовіцца ад аўтамабіляў і матацыклаў, якія спажываюць паліва.
У Мінску ў гэты дзень можна бясплатна ездзіць на транспарце па пасведчанні кіроўцы. Паглядзім, ці скарысталіся такім правам чыноўнікі Мінпрыроды, Мінтранспарту і Мінэнерга, і параўнаем паркоўкі ля гэтых ведамстваў у звычайны дзень і ў Дзень без аўтамабіля.
Ля Міністэрства прыроды 22 верасня стаіць толькі тры машыны. За дзень да гэтага іх было пяць. Два намеснікі міністра ў гэты дзень дабіраліся на працу на метро, паведамляюць у прэс-службе. Кіраўнік ведамства — у камандзіроўцы.
Каля Міністэрства транспарту і камунікацый — цэлы шэраг машын. Столькі ж было і ў звычайны дзень.
Перад Белэнерга — таксама вялікі шэраг аўтамабіляў. Як у звычайны дзень, так і ў Дзень без аўтамабіля.