Вызвалілі сына забітага пратэстоўца Генадзя Шутава
Вызвалілі Дзмітрыя Шутава, сына забітага пратэстоўца Генадзя Шутава. Ён прабыў за кратамі трое сутак, паведамляе тэлеграм-канал @vybory_smotri са спасылкай на яго сябра.
24-гадовага Дзмітрыя Шутава затрымалі 7 жніўня ў Жабінцы. У доме, дзе ён жыве з маці, прайшоў ператрус.
Генадзь Шутаў атрымаў агнястрэльнае раненне ў галаву 11 жніўня 2020 года ў Брэсце і памёр 19 жніўня ў ваенным шпіталі сталіцы. Страляў у яго афіцэр армейскага спецназу, якога падчас разгону вулічных пратэстаў накіравалі для дапамогі брэсцкаму АМАПу. Па факце смерці Шутава адмовіліся распачынаць крымінальную справу, а самога пратэстоўца пасмяротна прызналі вінаватым у супраціўленні міліцыі.
