Вызваленая Лілія Уласава — яна пад хатнім арыштам
![Лілія Уласава / Reuters](/sites/default/files/styles/gallery_main/public/2023-08/vlasova_19_2.jpg.webp?itok=ri7yySHi)
Лілія Уласава / Reuters
Пад хатні арышт пераведзеная медыятар і член прэзідыума Каардынацыйнай рады Лілія Уласава, паведамляе TUT.BY са спасылкай на Юрыя Васкрасенскага.
Паводле яго слоў, Уласаву адпусцілі з СІЗА яшчэ ў пятніцу ўвечары. Васкрасенскі сцвярджае, што сустрэў яе і даставіў дадому.
Раней Васкрасенскі паведаміў журналістам, што мера стрымання змененая і паліттэхнолагу Віталю Шкляраву. Яго адпусцілі яшчэ 14 кастрычніка. Пры гэтым адвакат Шклярава Антон Гашынскі раніцай гаварыў Еўрарадыё, што ні з ім, ні з роднымі Шкляраў не звязваўся.
Уласава стала пятай удзельніцай сустрэчы з Лукашэнкам у СІЗА КДБ, якая выйшла на волю. Да гэтага былі вызваленыя ўласна Юрый Васкрасенскі, айцішнік Дзмітрый Рабцэвіч, адвакат Ілля Салей і Віталь Шкляраў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.