Выбары як кіно – навошта рэжысёр Вольга Мікалайчык ідзе ў дэпутаты?
Не толькі палітычныя партыі ды грамадскія арганізацыі рыхтуюцца да ўдзелу ў парламенцкіх выбарах. Вір выбарчай кампаніі ўцягвае ў палітычную барацьбу і звычайных людзей. Пра свой намер пазмагацца за дэпутацкі мандат 21 жніўня заявіла кінадакументалістка Вольга Мікалайчык.
Ці сапраўды ў планах рэжысёра сесці ў дэпутацкае крэсла ў Авальнай зале? Якія сапраўдныя мэты яе ўдзелу ў выбарчай кампаніі? Ці дастаткова быць добрым кінадакументалістам і грамадскім актывістам, каб за цябе аддалі свае галасы выбаршчыкі?
На гэтыя ды іншыя пытанні ў жывым эфіры Еўрарадыё адказвае кінадакументалістка, рэжысёр, грамадская актывістка Вольга Мікалайчык.
