ВУП Беларусі вырас на 1,1 працэнта

Са студзеня па жнівень уключна ВУП у Беларусі стаў вышэй на 1,1 працэнта ў параўнанні з аналагічным перыядам 2018 года. Пра гэта паведамляюць у Нацыянальным статыстычным камітэце. Пры гэтым аб'ём ВУП у бягучых цэнах склаў 83,9 мільярда рублёў, у супастаўных — 101,1 працэнта да ўзроўню студзеня-жніўня 2018 года.

Як піша БелТА, за той жа перыяд часу індэкс-дэфлятар ВУП у адносінах да аналагічнага перыяду мінулага года склаў 106,8 працэнта.