Вікторыя Азаранка захавала другі радок у рэйтынгу ВТА
У актыве найлепшай беларускай тэнісісткі 8 151 ачко.
Пасля турніру ў аўстралійскім Брысбене яна захавала другое месца ў рэйтынгу Жаночай тэніснай асацыяцыі і саступае толькі амерыканцы Серэне Уільямс, якая мае 13 260 ачкоў.
Між тым у рэйтынгу адбыліся некаторыя змены: расіянка беларускага паходжання Марыя Шарапава вярнулася на трэці радок, пацясніўшы кітаянку На Лі.
Топ-10 першага ў 2014 годзе рэйтынгу ВТА выглядае наступным чынам:
1. Серэна Уільямс (ЗША) — 13 260
2. Вікторыя Азаранка (Беларусь) — 8 151
3. Марыя Шарапава (Расія) — 6 076
4. На Лі (Кітай) — 6 045
5. Агнешка Радваньска (Польшча) — 5 820
6. Петра Квітава (Чэхія) — 4 775
7. Сара Эрані (Італія) — 4 435
8. Алена Янкавіч (Сербія) — 4 230
9. Ангеліка Кербер (Нямеччына) — 3 965
10. Каралін Вазняцкі (Данія) — 3 520
У топ-100 трапіла яшчэ адна беларуска — Вольга Гаварцова. Яна цяпер знаходзіцца на 91-м месцы. Беларуска Аляксандра Сасновіч займае 145-ты радок.