Вікторыя Азаранка выйшла ў трэці круг Australian Open

Вікторыя Азаранка​ / Reuters
Вікторыя Азаранка​ / Reuters

Беларуска Вікторыя Азаранка выйшла ў трэці круг адкрытага чэмпіянату Аўстраліі па тэнісе. У 1/32 фіналу яе саперніцай была швейцарская тэнісістка Джыл Белен Тайхман. Азаранка даволі лёгка выйграла запар два сэты 6:1, 6:2.

Яе наступнай саперніцай будзе ўкраінка Эліна Світоліна, якая на дадзены момант займае 17-ы радок у рэйтынгу WTA. Азаранка знаходзіцца на 25-й пазіцыі. Азаранка двойчы ў сваёй кар'еры выйгравала Australian Open — у 2012 і ў 2013 гадах.

Стартавала на турніры і яшчэ адна беларуска другая ракетка свету Арына Сабаленка. У першым крузе яна перамагла аўстралійку Сторм Сандэрс (128) — 5:7, 6:3, 6:2. Наступнай яе саперніцай будзе тэнісістка з Кітая Ван Сіньюй (100).

Яшчэ адна беларуска Аляксандра Сасновіч (76) выбыла з барацьбы за трафей. У першым жа крузе яна саступіла кітаянцы Жэн Сінвэнь (111) — 3:6, 6:1, 6:7 (5:10).

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі