Вікторыя Азаранка апусцілася на 17-е месца ў рэйтынгу WTA
Гэта найгоршы паказчык беларускай тэнісісткі за апошнія чатыры гады.
Азаранка пакінула дзясятку наймацнейшых тэнісістак свету, апусціўшыся адразу на сем радкоў. Прычынай стала адмова ад выступу на турніры ў Цынцынаці (ЗША), які летась спартоўка выйграла.
Цяперашні рэйтынг Азаранкі — найгоршы пасля 1 жніўня 2010 года, адзначае БелаПАН.
Дарэчы, яшчэ адзін беларускі тэнісіст Максім Мірны чацвёрты тыдзень запар займае 35-е месца ў мужчынскім парным рэйтынгу.
Фота — championat.com
