Ва ўзросце 98 гадоў памёр мадэльер П'ер Кардэн
Ва ўзросце 98 гадоў памёр вядомы французскі мадэльер італьянскага паходжання П'ер Кардэн. Пра гэта газеце Le Figaro паведаміла яго сям'я. Прычыны смерці не ўдакладняюцца.
Кардэн пачынаў як тэатральны мастак, і ў 1946 годзе зрабіў касцюмы для фільма Жана Както "Прыгажуня і Пачвара". Потым працаваў у атэлье ў Крысціяна Дыёра. Уласны дом моды ён заснаваў у 1950-м.
Кардэн стаў адным з першапраходцаў стылю унісэкс (калекцыя 1958 года), лічыўся авангардыстам у модзе. У 1960 годзе ён стварыў першую можную калекцыю для мужчын, чым парушыў традыцыйны падыход да моды як мастацтва для жанчын. Таксама Кардэн быў адным з першых, хто заняўся джынсавым напрамкам, адзеннем для моладзі і дзяцей.
Сярод больш як 500 патэнтаў Кардэна — каляровыя панчохі і высокія боты, міні-сарафаны, гальштукі "ў кветачку", доўгія пінжакі без каўняра, вузкія штаны на гузіках, першапачаткова створаныя для "Бітлз".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
