Ва Украіне часова забаранілі трансляцыю расійскіх тэлеканалаў
Гаворка ідзе пра тэлеканалы РТР, "Первый канал", "Россия-24" і НТВ.
Адпаведную пастанову 25 сакавіка прыняў Кіеўскі акруговы адміністрацыйны суд, паведамляе УНІАН. Трансляцыя расійскіх тэлеканалаў ва Украіне прыпыненая на час разгляду пазоваў Нацыянальнага савета па пытаннях тэлебачання і радыёвяшчання да кампаніі, якая з'яўляецца асноўным транслятарам гэтых каналаў.
У сераду Нацсавет патлумачыць, што гэтая пастанова суда азначае для кабельных аператараў.
Нацсавет па тэлерадыёвяшчанні падаў пазоў у суд наконт таго, ці адпавядаюць праграмы некаторых расійскіх тэлеканалаў украінскаму заканадаўству.
Фота — vladtime.ru
