Уначы ў Бярозе пенсіянерка выпала з акна трэцяга паверха
У Бярозе пенсіянерка выпала з акна трэцяга паверха. Як інфармуе БЕЛТА, здарэнне адбылося ўначы 17 траўня. 88-гадовая жанчына выпала з акна сваёй кватэры. Яна атрымала траўмы, несумяшчальныя з жыццём, і памерла.
Праваахоўнікі праводзяць праверку, высвятляюць усе абставіны трагічнага здарэння. Па некаторых звестках, у жанчыны быў кепскі зрок. Акно яна адчыняла, каб даведацца пра надвор'е.
