Уладзімір Зяленскі накіраваўся з візітам у ЗША
![Абаронцы Бахмута перадаюць Зяленскаму сцяг для Кангрэса ЗША / @V_Zelenskiy_official](/sites/default/files/styles/gallery_main/public/2023-08/zel_21_12.jpg.webp?itok=7qWs7Bfc)
Абаронцы Бахмута перадаюць Зяленскаму сцяг для Кангрэса ЗША / @V_Zelenskiy_official
Прэзідэнт Украіны Уладзімір Зяленскі ўпершыню з пачатку вайны адважыўся на замежны візіт — ён накіраваўся ў ЗША. Дагэтуль сусветныя лідары прыязджалі ў Кіеў, а ўдзел у міжнародных сустрэчах Зяленскі браў праз відэасувязь.
"Накіраваўся ў ЗША, каб умацаваць стойкасць і абараназдольнасць Украіны", — напісаў ён у Twitter. Паводле яго слоў, падчас гэтай паездкі запланаваны сустрэча з прэзідэнтам Джо Байдэнам і выступ у Кангрэсе.
Напярэдадні Зяленскі быў у Бахмуце — горадзе ў Данецкай вобласці, за які зараз ідуць самыя жорсткія баі. Ён падзякаваў вайскоўцам і ўручыў узнагароды. Вайскоўцы папрасілі Зяленскага перадаць у ЗША ўкраінскі сцяг у знак падзякі за падтрымку, якую аказваюць Злучаныя Штаты Украіне ў гэтай вайне.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.