Украінскі ўрад зноў рыхтуе пагадненне аб Асацыяцыі з ЕС
Адмененае распараджэнне кабінету міністраў ад 21 лістапада 2013 года наконт прыпынення еўраінтэграцыі Украіны.
У лістападзе мінулага году Украіна адмовілася падпісваць асацыяцыю з Еўрасаюзам і заявіла пра недастатковую падтрымку яе эканомікі. Гэта адбылося пасля таго, як Расія прыгразіла, што заблакуе доступ украінскіх тавараў на свой рынак пасля падпісання гэтага дакумента.
У снежні ўкраінскі ўрад дамовіўся з Расіяй пра крэдыт у памеры 15 мільярдаў долараў і зніжэнне цаны на газ на траціну.
Адмова ад падпісання пагаднення з ЕС, збіццё мітынгоўцаў за еўраінтэграцыю і дамоўленасці з Расіяй прывялі да найбуйнейшых за апошнія амаль 10 гадоў акцыяў пратэсту, нагадвае УНІАН.
